حکومت کا 1 ارب ڈالر اے آئی فنڈ، ڈیجیٹل معیشت میں نئے مواقع کی جانب اہم قدم

وفاقی حکومت اور ایس آئی ایف سی نے ملک کو ٹیکنالوجی کی عالمی دوڑ میں شامل کرنے کے لیے ایک ارب ڈالر کے خطیر فنڈ کا اعلان کیا ہے۔ پاکستان انسٹیٹیوٹ آف ڈویلپمنٹ اکنامکس (PIDE) کے وائس چانسلر ڈاکٹر ندیم جاوید نے اس اقدام کو سراہتے ہوئے کہا کہ یہ منصوبہ پاکستان میں ایک مضبوط اے آئی ایکو سسٹم کی بنیاد رکھے گا۔

اس منصوبے کا محور نہ صرف مالی سرمایہ کاری ہے بلکہ انسانی وسائل (Human Capital) کی ترقی بھی ہے۔ اس کے ذریعے غیر آئی ٹی شعبوں سے وابستہ افراد کو بھی جدید ٹیکنالوجی سے لیس کیا جائے گا تاکہ معیشت کے ہر شعبے میں پیداواری صلاحیت بڑھائی جا سکے۔