روس میں پابندی کی شکار فلم کا آسکر ایوارڈ امریکا میں غائب، وجہ بھی سامنے آگئی

بی بی سی کی رپورٹ کے مطابق، روس میں پابندی کا شکار فلم ‘مسٹر نوبڈی اگینسٹ پوٹن’ (Mr. Nobody Against Putin) کے شریک ہدایت کار اور اداکار پیول تالانکن جب امریکا سے جرمنی جا رہے تھے، تو نیویارک ایئرپورٹ پر سیکیورٹی نے ان کے کیری آن بیگ میں موجود آسکر مجسمے کو ‘خطرناک ہتھیار’ قرار دے کر تلاشی لی۔ جرمنی پہنچنے پر معلوم ہوا کہ ایوارڈ غائب ہے، جس پر ہنگامہ کھڑا ہو گیا۔ تاہم، ایئرلائن لوفتھانسا (Lufthansa) نے بعد ازاں معذرت کرتے ہوئے بتایا کہ ایوارڈ فرینکفرٹ میں ان کی تحویل میں مل گیا ہے اور اسے جلد واپس کر دیا جائے گا۔