ملکہ ترنم کا گیت 53 سال بعد بھارتی جین زی کے دلوں کی دھڑکن بن گیا

پاکستان کی لیجنڈری گلوکارہ نور جہاں کا 53 برس قبل گایا ہوا پنجابی نغمہ “سانوں نہر والے پل تے بلا کے” بھارتی نوجوانوں کے دلوں کی دھڑکن بن گیا ہے۔ یہ گانا پہلی بار 14 ستمبر 1973 کو پاکستانی فلم “دکھ سجناں دے” میں شامل کیا گیا تھا۔

انڈین ٹی وی این ڈی ٹی وی کی رپورٹ کے مطابق، آج کل نوجوان اس گانے کو انسٹاگرام اور سوشل میڈیا پلیٹ فارمز پر زیادہ سنتے ہیں۔ صرف 43 سیکنڈ کے ایک کلپ پر ایک لاکھ سے زیادہ ریلز بن چکی ہیں۔

گانے کے بول “سانوں نہر والے پل تے بلا کے، تے خورے ماہی کتھے رہ گیا” آج کے ڈیٹنگ کلچر، لو بومبنگ اور گھوسٹنگ جیسے مسائل کی نمائندگی کرتے ہیں۔ نوجوان اس گانے میں موجود انتظار، بے بسی اور خاموش جذبے کو اپنی جدید زندگی کے تجربات سے جوڑ کر دیکھ رہے ہیں۔