LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری

نوواک جوکووچ نے تاریخ رقم کردی، لورینزو موسیتی کو شکست دے کر 101واں اے ٹی پی ٹائٹل جیت لیا

Web Desk

9 November 2025

ایتھنز: سربیا کے عالمی نمبر ون ٹینس اسٹار نوواک جوکووچ نے یونان میں ہیلینک چیمپیئن شپ کے فائنل میں اٹلی کے لورینزو موسیتی کو اعصاب شکن مقابلے کے بعد شکست دے کر ٹینس میں ایک اور تاریخ رقم کر دی۔ 38 سالہ جوکووچ نے اس کامیابی کے ساتھ اے ٹی پی ٹور کے معمر ترین چیمپیئن بننے کا اعزاز حاصل کیا اور اپنا 101 واں ٹائٹل اپنے نام کیا۔
یونان کے شہر ایتھنز میں کھیلے گئے فائنل میں جوکووچ نے سخت مقابلے کے بعد اطالوی حریف کو 4-6، 6-3 اور 7-5 سے شکست دی۔ یہ مقابلہ تقریباً تین گھنٹے تک جاری رہا، جس میں پہلی بار جوکووچ نے موسیتی کے خلاف ہارڈ کورٹ پر ایک سیٹ گنوایا، تاہم انہوں نے زبردست واپسی کرتے ہوئے اگلے دونوں سیٹس جیت کر میدان مار لیا۔
میچ کے دوران جوکووچ کا ایک شاندار کراس کورٹ ڈراپ شاٹ، جس میں انہوں نے نیٹ کے قریب مکمل اسپلٹس کیے، تماشائیوں کی توجہ کا مرکز بن گیا۔ فیصلہ کن سیٹ میں جوکووچ کو اس وقت دباؤ کا سامنا کرنا پڑا جب وہ 5-4 پر ٹائٹل کے لیے سرو کرتے ہوئے اپنی سروس کھو بیٹھے، مگر انہوں نے ہمت نہ ہاری اور بھرپور واپسی کرتے ہوئے میچ اپنے نام کر لیا۔
اس فتح کے ساتھ جوکووچ نے راجر فیڈرر کو پیچھے چھوڑتے ہوئے ہارڈ کورٹ پر اپنا 72 واں ٹائٹل بھی مکمل کیا۔ جیت کے بعد وہ کافی تھکے ہوئے دکھائی دیے، تاہم 23 سالہ موسیتی کو گلے لگا کر خوشی کے عالم میں اپنا ٹی شرٹ پھاڑ کر جیت کا جشن منایا۔
میچ کے بعد جوکووچ نے کہا کہ “یہ ایک ناقابلِ یقین مقابلہ تھا، تقریباً تین گھنٹے جسمانی طور پر بہت سخت اور تھکا دینے والا میچ تھا، لورینزو نے واقعی شاندار کھیل پیش کیا۔ یہ جیت کسی کے بھی حق میں جا سکتی تھی لیکن مجھے خوشی ہے کہ میں کامیاب ہوا۔”
اے ٹی پی ٹور کے اعداد و شمار کے مطابق جوکووچ اب راجر فیڈرر سے صرف دو ٹائٹلز پیچھے ہیں جبکہ مجموعی طور پر جمی کونرز 109 ٹائٹلز کے ساتھ بدستور سرفہرست ہیں۔
دوسری جانب لورینزو موسیتی نے کہا کہ “جب بھی میں نوواک کے ساتھ کورٹ میں اترتا ہوں، یہ میرے لیے ایک نیا سبق ہوتا ہے۔”