نوشین شاہ نے اپنے حجاب اتارنے کی وجہ بتادی

نوشین شاہ نے حال ہی میں ایک پوڈکاسٹ میں شرکت کی جہاں انہوں نے اپنی روحانی تبدیلی کے حوالے سے کھل کر بات کرتے ہوئے بتایا کہ ایک خواب نے انہیں حجاب پہننے کی طرف مائل کیا تھا، میں نے خواب میں ایک آواز سنی جو کہہ رہی تھی کہ اگر تم نے سر نہ ڈھانپا تو فرشتے تمہیں چھوڑ جائیں گے، خواب سے جاگتے ہی میں نے دوپٹہ اٹھا کر پہن لیا اور تقریباً چار ماہ تک باقاعدگی سے حجاب کرتی رہی۔انہوں نے کہا ہے کہ میں شوٹس پر بھی اور گھر پر بھی ہر وقت حجاب پہنتی تھیں لیکن پھر انہیں محسوس ہوا کہ وہ دوہری زندگی گزار رہی ہیں، اسی احساس نے انہیں کنفیوژن میں مبتلا کیا جس کے بعد وہ سوچنے پر مجبور ہوئیں اور آخر کار حجاب اتارنے کا فیصلہ کر لیا۔ان کا کہنا تھا کہ میں نے اللہ سے معافی مانگی اور حجاب ہٹا دیا حالانکہ میں اسے خوبصورتی سے سٹائل بھی کرتی تھی اور پہننا بھی اچھا لگتا تھا۔روحانیت پر بات کرتے ہوئے نوشین شاہ نے بتایا کہ وہ اللہ سے دعا کرتی تھیں کہ انہیں نماز کی طرف راغب کرے اور یا اللہ مجھے اپنی طرف بلا، اگر تو مجھ سے محبت کرتا ہے تو مجھے نماز کی طرف لے آ، اللہ نے میری دعا قبول کی اور اب میں باقاعدگی سے نماز پڑھتی ہوں