LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز سلامتی کونسل کالعدم بی ایل اے اور مجید بریگیڈ پر پابندیاں لگائے: چین اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ

نیویارک اور پشاور کو سسٹر سٹیز بنانے پر اتفاق، خیبر پختونخوا کابینہ کی منظوری

Web Desk

2 February 2026

نیویارک اور پاکستان کے تاریخی شہر پشاور کے درمیان تعاون کو فروغ دینے کے لیے دونوں شہروں کو سسٹر سٹیز بنانے پر اتفاق کر لیا گیا ہے، جس کی خیبر پختونخوا کابینہ نے باقاعدہ منظوری دے دی ہے۔

یہ پیش رفت نیویارک سٹی کے میئر آفس اور گورنر خیبر پختونخوا فیصل کریم کنڈی کے درمیان رابطوں کے نتیجے میں سامنے آئی۔ نیویارک کے میئر آفس کی جانب سے گورنر خیبر پختونخوا کو ارسال کردہ مراسلے میں اس شراکت داری کو پاکستان اور امریکہ کے درمیان عوامی سطح پر روابط مضبوط بنانے کی اہم کوشش قرار دیا گیا ہے۔

ابتدائی بات چیت کے بعد نیویارک میئر آفس نے سسٹر سٹیز معاہدے کا مسودہ گورنر ہاؤس کو ارسال کیا، جسے خیبر پختونخوا کابینہ نے منظور کر لیا۔ معاہدے کے تحت دونوں شہر معیشت، تعلیم، نوجوانوں کی اسکل ڈیویلپمنٹ، سائنسی و تکنیکی سرگرمیوں، ثقافتی تبادلوں اور اعلیٰ سطحی وفود کے تبادلے میں تعاون کریں گے۔

اس کے علاوہ عوامی معلومات کے تبادلے اور سالانہ پیش رفت رپورٹ تیار کرنے پر بھی اتفاق کیا گیا ہے۔ نیویارک سٹی کے میئر آفس کے مطابق یہ شراکت داری عالمی سطح پر شہری تعاون کے فروغ کی ایک مثبت مثال ثابت ہوگی۔

گورنر ہاؤس خیبر پختونخوا کا کہنا ہے کہ اس معاہدے سے نوجوانوں کے لیے نئے تعلیمی و تکنیکی مواقع پیدا ہوں گے اور جدید صنعتوں میں روزگار تک رسائی بہتر ہوگی۔ گورنر خیبر پختونخوا نے اس عزم کا اظہار کیا کہ پشاور کو دوبارہ پھولوں اور امن کا شہر بنایا جائے گا۔

حکام کے مطابق پاکستانی قونصلیٹ نیویارک اور نیویارک میں مقیم پاکستانی نژاد کمیونٹی رہنما عمران اِگرا نے نیویارک سٹی کے اداروں اور گورنر ہاؤس کے درمیان رابطہ کاری میں اہم کردار ادا کیا، جس کے نتیجے میں یہ معاہدہ ممکن ہوا۔

واضح رہے کہ اس سے قبل بھی پشاور کو جلال آباد اور اُرمچی کے ساتھ سسٹر سٹیز قرار دیا جا چکا ہے۔