شعبان کا نیا چاند 20 جنوری کو نظر آنے کا امکان، سپارکو

اسلام آباد: سپارکو نے شعبان المعظم کے نئے چاند سے متعلق پیشگوئی جاری کر دی ہے۔ ترجمان سپارکو کے مطابق شعبان کا نیا چاند 19 جنوری کو رات 00:52 بجے پیدا ہوگا۔

سپارکو کے مطابق 19 جنوری کی شام چاند کی عمر 17 گھنٹے اور 36 منٹ ہوگی جبکہ سورج اور چاند کے غروب ہونے کے درمیان وقفہ تقریباً 33 منٹ ہوگا۔ ان سائنسی عوامل کے باعث 19 جنوری کو چاند کے آنکھ سے نظر آنے کے امکانات کم ہیں۔

ترجمان سپارکو کا کہنا ہے کہ شعبان کی پہلی تاریخ ممکنہ طور پر 21 جنوری 2026 کو ہوگی، تاہم اسلامی مہینے کے آغاز سے متعلق حتمی اعلان مرکزی رویتِ ہلال کمیٹی کرے گی۔