طوفان کے بعد نیو جرسی کی سڑک پر شارک کی ’آمد‘، ویڈیو نے سب کو حیران کردیا

امریکی ریاست نیو جرسی کے ساحلی علاقے سرف سٹی میں سمندری طوفان کے بعد سیلابی پانی سے بھری سڑک پر ایک شارک کے تیرنے کی ویڈیو نے سوشل میڈیا صارفین کو دنگ کر دیا ہے۔ یہ غیر معمولی منظر مقامی شہری ڈریو پروکاسینو نے اپنے کیمرے میں محفوظ کیا، جس میں شارک کا پر پانی سے باہر دکھائی دے رہا تھا۔ ماہرین نے ویڈیو کا جائزہ لینے کے بعد اس شارک کی شناخت ’اسموتھ ڈاگ فش‘ کے طور پر کی ہے اور وضاحت کی ہے کہ طوفان کے دوران تیز لہروں اور پانی کے شدید بہاؤ کی وجہ سے یہ شارک ساحلی پانیوں سے نکل کر رہائشی علاقے کی سڑک پر آ گئی تھی، جو کچھ دیر تیرنے کے بعد قریبی خلیج کی سمت چلی گئی۔