LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز شی جن پنگ اور پیوٹن بھی ایران جنگ کا خاتمہ چاہتے ہیں: امریکی صدر ایران کیخلاف استعمال ہونے والی ہر سرزمین ہمارا ہدف ہوگی: پاسداران انقلاب کا انتباہ خطے کے ممالک جارح قوتوں کو ایران کیخلاف اپنی سرزمین کا استعمال کرنے سے روکیں، ایرانی وزارت خارجہ سعودیہ کی کنگ عبداللہ فنانشل ڈسٹرکٹ پر حوثی حملے کی شدید مذمت این سی سی آئی اے کا آن لائن جوئے کیخلاف پاکستان کا سب سے بڑا آپریشن، 5 ملزمان گرفتار ریاض کے فنانشل ڈسٹرکٹ ٹاور پر حوثیوں کا میزائل حملہ نیتن یاہو کی ایران کے خلاف نئی فوجی کارروائی کیلئے کوششیں تیز کوہاٹ میں سونے کی غیر قانونی کان کنی کے الزامات: سینیٹر خرم ذیشان کا گورنر کے پی فیصل کریم کنڈی کو 5 کروڑ ہرجانے کا نوٹس بھیجنے کا فیصلہ کوٹ لکھپت جیل میں قید پی ٹی آئی قیادت کا چیف جسٹس پاکستان اور چیف جسٹس آئی ایچ سی کو خط، عدالتی احکامات پر عملدرآمد کا مطالبہ پٹرول ایک روپیہ فی لٹر مہنگا، ڈیزل کی قیمت برقرار زرمبادلہ کے ذخائر میں 1.50 کروڑ ڈالر کا اضافہ ریکارڈ ابوظہبی عدالت کا بائنانس کے 6.5 ارب ڈالر کے اثاثے منجمد کرنے کا حکم صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان

برازیل میں ننھا کچھوا ائیرپورٹ کے ٹیکسی وے پر براجمان، پروازوں کی روانگی رُک گئی

Web Desk

19 November 2026

برازیل کے سلگاڈو فلہو ائیرپورٹ کے ٹیکسی وے پر ایک مسافر طیارے کو اچانک سامنے آنے والے کچھوے کی وجہ سے بریک لگانا پڑ گئی۔

غیر ملکی میڈیا رپورٹس کے مطابق ازول ائیرلائنز کی پرواز اے ڈی 2885 پورٹو الیگری سے ریو ڈی جنیرو کے لیے روانہ ہو رہی تھی کہ ٹیکسی وے ڈیلٹا پر سفر کے دوران پائلٹ نے دیکھا کہ عین طیارے کے سامنے ایک کچھوا آہستہ آہستہ رینگ رہا ہے۔

پائلٹ نے فوری طور پر ائیر ٹریفک کنٹرول (اے ٹی سی) کو ریڈیو پیغام کے ذریعے اطلاع دی کہ ’’یقین کریں یا نہ کریں، ہمارے طیارے کے بالکل سامنے ٹیکسی وے ڈیلٹا پر ایک کچھوا موجود ہے۔‘‘ کنٹرول ٹاور نے فوری ردعمل دیتے ہوئے طیارے کو اپنی جگہ رکنے کی ہدایت کی اور ائیرپورٹ کی وائلڈ لائف مینجمنٹ ٹیم کو طلب کر لیا۔

اس دلچسپ صورتحال کے دوران ریڈیو فریکوئنسی پر پائلٹس کے درمیان مزاحیہ جملوں کا تبادلہ بھی ہوا۔ فریکوئنسی سننے والے ایک دوسرے طیارے کے پائلٹ نے ازول کے عملے کو مذاق میں خبردار کیا کہ ’’خبردار رہیں، کہیں کچھوا بھاگ نہ جائے!‘‘ جس پر ازول ائیرلائنز کے کپتان نے برجستہ جواب دیا کہ ’’اس ننھے مہمان کو رن وے تک پہنچنے میں تقریباً 8 دن لگیں گے۔‘‘

بعد ازاں ائیرپورٹ کی وائلڈ لائف ٹیم نے موقع پر پہنچ کر کچھوے کو بغیر کسی نقصان کے محفوظ طریقے سے اٹھایا اور ائیرپورٹ کی حدود سے باہر قدرتی ماحول میں چھوڑ دیا۔ اس تمام کارروائی میں تقریباً 5 منٹ لگے، جس کے بعد پرواز کو بحفاظت اپنی منزل کی جانب روانہ کر دیا گیا۔