کوسٹا ریکا میں ‘کافی فرآگ’ نامی مینڈک کی نئی نسل دریافت

کوسٹا ریکا کے مشہور لاس سانتوس (Los Santos) خطے میں سائنس دانوں نے درختی مینڈک کی ایک نئی اور نایاب نسل دریافت کر لی ہے، جسے سائنسی زبان میں Isthmohyla nacientes اور عام طور پر ’کافی فراگ‘ (Coffee Frog) کا نام دیا گیا ہے۔

میڈیا رپورٹس کے مطابق یہ چھوٹا، سبز رنگ کا درختی مینڈک زیادہ تر رات کے وقت متحرک ہوتا ہے۔ یہ کوسٹا ریکا کے وسطی بحرالکاہل کے پہاڑی سلسلوں بالخصوص تارازو (Tarrazú)، ڈوتا (Dota) اور لیون کورٹس (León Cortés) کے اضلاع میں پایا گیا ہے۔ یہ مینڈک خاص طور پر کافی کے باغات اور ان سے ملحقہ ندی نالوں کے آس پاس پناہ لیتا ہے۔ رات کے وقت نر مینڈک مادہ کو متوجہ کرنے کے لیے مخصوص آوازیں نکالتے ہیں، جس دوران ان کا شفاف حلق نمایاں طور پر پھول جاتا ہے۔

اس دریافت کی سب سے اہم اور تشویشناک بات یہ ہے کہ یہ نئی نسل جس خطے میں دریافت ہوئی ہے، وہ کوسٹا ریکا کی سب سے بڑی کافی پیدا کرنے والی پٹی ہے۔ ماہرینِ حیات نے خبردار کیا ہے کہ کافی کی فصلوں پر استعمال ہونے والے زرعی کیمیکلز اور کیڑے مار ادویات بارش کے پانی کے ساتھ بہہ کر ندی نالوں تک پہنچ سکتے ہیں، جس سے اس مینڈک کے بچوں (Tadpoles) کی نشوونما اور اس نئی نسل کی بقا کو سنگین خطرات لاحق ہو سکتے ہیں