اداکارہ نیلم منیر نے بیٹے کا نام بتا دیا

پاکستان شوبز انڈسٹری کی معروف اداکارہ نیلم منیر نے اپنے ہاں پہلے بچے کی پیدائش کی تصدیق کرتے ہوئے بیٹے کا نام ‘محمد حمدان’ رکھ دیا ہے۔ 34 سالہ اداکارہ نے سوشل میڈیا پلیٹ فارم انسٹاگرام پر ہسپتال سے اپنے نومولود بیٹے کو گود میں لیے تصویر شیئر کرتے ہوئے یہ خوشخبری مداحوں کے ساتھ شیئر کی، جس کے بعد سوشل میڈیا پر جاری تمام قیاس آرائیوں کا خاتمہ ہو گیا۔ نیلم منیر نے اپنی پوسٹ میں لکھا کہ “میرا ننھا شہزادہ میری وہ دعا ہے جو قبول ہوئی اور میری زندگی کی سب سے بڑی نعمت ہے۔” واضح رہے کہ جنوری 2025 میں دبئی میں مقیم پاکستانی بزنس مین محمد راشد کے ساتھ رشتہ ازدواج میں منسلک ہونے کے بعد سے نیلم منیر نے اپنی ذاتی زندگی کو میڈیا سے دور رکھا ہوا تھا، تاہم اس اعلان کے بعد شوبز شخصیات اور مداحوں کی جانب سے انہیں مبارکباد اور نیک تمناؤں کا سلسلہ جاری ہے۔