اسلام آباد میں پہلی این سی پی انڈسٹریل ایکسپو کا انعقاد

اسلام آباد کے نیشنل سینٹر فور فزکس میں دو روزہ پہلی انڈسٹریل ایکسپو 2026 اختتام پذیرہوگئی۔ایکسپو میں ملک بھر سے صنعتی ماہرین، محققین، اسٹارٹ اپس اور پبلک سیکٹر ماہرین نے شرکت کی

ایکسپو میں این سی پی کے تحت تیار کی گئی صنعتی مصنوعات، جدید ٹیکنالوجیز، کمرشل سروسز اور اپلائیڈ ریسرچ سولیوشنز کی نمائش کی گئی،،،ایکسپو میں صنعت اور اسٹارٹ اپس کیلیے تیار کردہ مصنوعات اور پروٹو ٹائپس پیش کیے گئے۔

ڈی جی ڈاکٹر قیصر احسن نے کہا کہ ایکسپو کا مقصد پاکستان کے پیداواری شعبے، ٹیکنالوجی اسٹارٹ اپس اور پبلک سیکٹر اداروں کو مضبوط کرنے میں این سی پی کے کردار کو اجاگر کرنا تھا، ایکسپو تحقیقی اداروں اور صنعتوں کے مابین مزید ہم آہنگی کا باعث بنے گی، ہمارے سائنسدان اور محققین صنعتوں کی ترقی میں کلیدی کردار ادا کر رہے ہیں۔