وہ ایک پبلک فگر ہیں عوامی اثاثہ نہیں، نعمان اعجاز کا خلیل الرحمٰن کو جواب

پاکستان کے معروف اداکار نعمان اعجاز نے مصنف و ڈرامہ نگار خلیل الرحمٰن قمر کے اپنے خلاف سخت الفاظ کے استعمال پر نہایت مودبانہ انداز میں ردعمل دے دیا۔

حال ہی میں ایک نجی ٹی وی پروگرام میں گفتگو کرتے ہوئے خلیل الرحمٰن قمر نے کہا تھا کہ وہ نعمان اعجاز کو ذاتی طور پر ناپسند کرتے ہیں اور ان کے بارے میں سخت الفاظ بھی استعمال کیے تھے، جس کے بعد سوشل میڈیا پر اس معاملے پر خاصی بحث دیکھنے میں آئی۔اس حوالے سے نعمان اعجاز نے ایک نجی ٹی وی پروگرام میں گفتگو کرتے ہوئے کہا کہ ہر شخص کو اپنی رائے رکھنے کا حق حاصل ہے اور صرف خلیل الرحمٰن قمر ہی بہتر وضاحت کر سکتے ہیں کہ انہوں نے ایسا کیوں کہا۔انہوں نے مزید کہا کہ وہ ایک پبلک فگر ضرور ہیں لیکن عوامی اثاثہ نہیں، اس لیے ان کی ذاتی زندگی اور خاندان کے بارے میں نامناسب تبصرے سے گریز کیا جانا چاہیے۔نعمان اعجاز کا کہنا تھا کہ اختلافِ رائے جمہوری معاشرے کا حسن ہے، تاہم گفتگو ہمیشہ احترام کے دائرے میں رہ کر کی جانی چاہیے۔