12ہزار سال قدیم خاتون اور ہنس کا مجسمہ دریافت، انسان و جانور کا سب سے پرانا رشتہ

سائنس دانوں نے 12 ہزار برس قدیم ایک خاتون اور ہنس کا مجسمہ دریافت کیا ہے، جو دنیا کا سب سے پرانا انسان اور جانور کا مجسمہ تصور کیا جا رہا ہے۔

یہ مٹی کا بنایا ہوا مجسمہ قبل از تاریخ گاؤں ناطوفین سے ملا، جو کبھی آج کے مقبوضہ فلسطین، شام اور اردن میں واقع تھا۔ دو انچ کا یہ منفرد مجسمہ ایک خاتون کو ظاہر کرتا ہے جس کے کمر پر ایک ہنس سوار ہے، اور یہ ہنس شکار شدہ نہیں بلکہ زندہ ہے۔

ناطوفین ثقافت میں ہنس کو انتہائی اہمیت دی جاتی تھی، کیونکہ ان سے خوراک، ہڈیاں، پر اور دیگر کام کی اشیاء حاصل کی جاتی تھیں۔ ماہرین کا کہنا ہے کہ نطوفیان کا ماننا تھا کہ انسان اور جانور روحانی طور پر ایک دوسرے سے جڑے ہوئے ہیں، اور یہ خاتون اور ہنس کا منظر ممکنہ طور پر اس باہمی روحانی تعلق کی علامت ہے۔