نیشنل گیمز 2025،میڈلز ٹیبل پر پاکستان آرمی کی برتری برقرار

نیشنل گیمز میڈلز ٹیبل پر پاکستان آرمی کی برتری برقرار ہے۔واپڈا دوسرے اور پاکستان نیوی تیسرے نمبر پر موجود ہے۔

کراچی میں جاری 35ویں نیشنل گیمز میں اب تک 720میڈلز کا فیصلہ ہو چکا ہے۔ پاک آرمی 113 طلائی،50نقرئی اور 34کانسی کے تمغوں کے ساتھ پہلی پوزیشن پر قابض ہے۔ دوسرے نمبر پر موجود پاکستان واپڈا کے مجموعی میڈلز کی تعداد123 ہے اور اس نے46 سونے،43چاندی اور 34 کانسی کے تمغے جیت رکھے ہیں۔
پاکستان نیوی 24 گولڈ،21سلور اور 20 برونز میڈلز کے ساتھ تیسرے نمبر پر موجود ہے۔پنجاب 7طلائی ،23 نقرئی اور 32کانسی کے میڈلز کے ساتھ چوتھے نمبر پر آ گیا ہے۔ایچ ای سی پانچویں ، سندھ چھٹے اورپاک فضائیہ ساتویں نمبر پر موجودہے۔