ناسا کی وائجر 1 سے متعلق نئے منصوبے کی تیاری

امریکی خلائی ادارہ ناسا (NASA) اپنے تاریخی خلائی مشن وائجر 1 (Voyager 1) کی زندگی بچانے کے لیے ایک ایسی مہم میں مصروف ہے جسے ٹیکنالوجی کی دنیا کا مشکل ترین چیلنج قرار دیا جا رہا ہے۔ 1977 میں لانچ کیا گیا یہ اسپیس کرافٹ کائنات میں انسانی ساختہ سب سے دور موجود شے ہے، جو اس وقت زمین سے اربوں میل دور نظامِ شمسی کی حدود پار کر کے بین الستاروی خلا (Interstellar Space) میں سفر کر رہا ہے۔

ناسا کے انجینئرز اب ایک ’فار-آؤٹ‘ (Far-out) پلان پر کام کر رہے ہیں تاکہ اس کے ایندھن اور توانائی کے گرتے ہوئے ذخائر کو منظم کر کے اس کا آپریشن بحال رکھا جا سکے۔