نیمل خاور کا اپنے وزن پر بات کرنے والوں کو جواب

پاکستان کی سابقہ اداکارہ اور حمزہ علی عباسی کی اہلیہ نیمل خاور نے سوشل میڈیا پر اپنے وزن اور جسمانی ساخت سے متعلق چہ مگوئیوں پر ناقدین کو شدید تنقید کا نشانہ بنایا ہے۔ حال ہی میں ایک تقریب کی تصاویر وائرل ہونے کے بعد سوشل میڈیا پیجز پر ان کے امید سے ہونے کی افواہیں گردش کرنے لگی تھیں، جس کے بعد انہوں نے انسٹاگرام اسٹوری کے ذریعے جواب دیا۔ نیمل خاور کا کہنا تھا کہ ماں بننے کے بعد خواتین کے جسم میں نمایاں تبدیلیاں آتی ہیں اور عمر، ہارمونز، ذہنی دباؤ اور طرزِ زندگی جیسے عوامل وزن پر اثر انداز ہوتے ہیں۔ انہوں نے واضح کیا کہ کسی بھی شخص کو یہ حق نہیں پہنچتا کہ وہ کسی خاتون کی جسمانی ساخت یا وزن پر عام سطح پر تبصرے کرے۔