رجب بٹ اور ندیم نانی والا نے سفری پابندی کی فہرست سے نام نکالنے کی درخواستیں دائر کر دیں

اسلام آباد: سائبر کرائم سمیت دیگر متعدد مقدمات میں نامزد ٹک ٹاکر ندیم مبارک نانی والا اور یوٹیوبر رجب بٹ نے اسلام آباد ہائی کورٹ سے رجوع کیا ہے۔

ندیم نانی والا اور رجب بٹ نے درخواستیں دائر کی ہیں جن میں ان کے نام کو سفری پابندی کی فہرست سے نکالنے کی استدعا کی گئی ہے۔ درخواستیں بیرسٹر راجہ قدیر جنجوعہ اور احد کھوکھر کی نمائندگی میں دائر کی گئی ہیں۔

درخواستوں میں وفاقی تحقیقاتی ادارے (ایف آئی اے)، سیکریٹری داخلہ اور دیگر متعلقہ حکام کو فریق بنایا گیا ہے۔ عدالت سے استدعا کی گئی ہے کہ نامزد افراد کے سفری پابندی سے استثنیٰ کے لیے حکم جاری کیا جائے۔