ماڈلز لنڈا بازار سے بہترین چیزیں ڈھونڈنے میں ماہر ہوتی ہیں: نادیہ حسین

حال ہی میں ماڈل نادیہ حسین سے ایک انٹرویو کے دوران سوال پوچھا گیا کہ کیا ماڈلز اور سیلیبریٹیز لنڈا بازار سے بہترین چیزیں تلاش کرکے خریداری میں ماہر ہوتے ہیں؟ نادیہ حسین نے اس رجحان پر کھل کر بات کرتے ہوئے اعتراف کیا کہ وہ بھی لنڈا سے سامان خریدتی ہیں۔

انہوں نے کہا ہے کہ بالکل ایسا ہی ہے، میں خود بھی دونوں طرح کے بازار جاتی ہوں، لنڈا بازار سے بھی اور عام سٹورز سے بھی خریداری کرتی ہوں۔اداکارہ نے کہا ہے کہ میں لنڈا بازار میں ماسک نہیں پہنتی اور ماڈلز کے بارے میں یہ بات درست ہے کہ وہ لنڈا بازار سے بہترین چیزیں ڈھونڈنے میں ماہر ہوتی ہیں اور اکثر بہترین ڈیزائنر کپڑے مل جاتے ہیں، تھرفٹ مارکیٹ میں کئی پرستار میرے ساتھ سیلفیاں بھی لیتے ہیں۔