دوبارہ کسی شوبز خاتون کے ساتھ رومانوی تعلق نہیں رکھوں گا، میکال ذوالفقار

پاکستان کے معروف اداکار میکال ذوالفقار نے ایک حالیہ پوڈ کاسٹ کے دوران ساتھی اداکاراؤں کے ساتھ رومانوی تعلقات اور اپنے ماضی کے تجربات پر کھلم کھلا اظہارِ خیال کیا ہے۔ اپنے ابتدائی دنوں کا ذکر کرتے ہوئے انہوں نے بتایا کہ ان کا پہلا رومانوی تعلق ایک اداکارہ کے ساتھ تھا، تاہم اس تجربے کے بعد وہ مستقبل میں کسی بھی اداکارہ کے ساتھ رشتہ قائم کرنے کے خواہش مند نہیں۔ میکال ذوالفقار کا کہنا تھا کہ اداکارائیں رشتوں میں بہت زیادہ توجہ اور دیکھ بھال کی توقع رکھتی ہیں، اور وہ فی الوقت اس نوعیت کی جذباتی ذمہ داری اٹھانے کے لیے تیار نہیں ہیں۔ شوبز جوڑیوں پر بات کرتے ہوئے انہوں نے منیب بٹ اور ایمن خان کی مثال دی اور کہا کہ کم عمری اور کیریئر کے شروعات میں بننے والے رشتے زیادہ پائیدار ہوتے ہیں، جبکہ مضبوط کیریئر بننے کے بعد اداکارانہ رشتوں کو سنبھالنا نسبتاً مشکل ثابت ہوتا ہے۔