میٹا کا اسمارٹ گلاسز میں متنازع ٹیکنالوجی شامل کرنے پر غور

میٹا سیکیورٹی اور نجی معلومات کے تحفظ سے متعلق خدشات کے باوجود اپنے اسمارٹ چشموں میں چہرہ شناخت کرنے والی ٹیکنالوجی شامل کرنے پر غور کر رہی ہے۔

The New York Times کی تازہ رپورٹ کے مطابق ’نیم ٹیگ‘ نامی مجوزہ فیچر چشمہ پہننے والے افراد کو اُن لوگوں کی شناختی معلومات فراہم کرے گا جنہیں وہ سامنے دیکھ رہے ہوں گے۔

اخبار کے مطابق کمپنی کے ایک اندرونی یادداشت نامے میں اس بات کا اعتراف کیا گیا ہے کہ اس ٹیکنالوجی سے سیکیورٹی اور نجی معلومات کے تحفظ کو خطرات لاحق ہو سکتے ہیں۔

رپورٹ میں مزید بتایا گیا ہے کہ کمپنی امریکا میں جاری سیاسی صورتحال کے تناظر میں اس فیچر کو متعارف کرانے میں ممکنہ فائدہ دیکھ رہی ہے۔

یادداشت نامے کے مطابق مصنوعات کو ایسے وقت میں متعارف کرانے کا منصوبہ بنایا جا رہا ہے جب بعض سماجی تنظیموں کی توجہ دیگر معاملات پر مرکوز ہو، تاکہ ممکنہ مخالفت کو کم کیا جا سکے۔