میٹا نے ہزاروں ملازمین کو نوکری سے فارغ کرنے کی تیاری کر لی

 ٹیکنالوجی کمپنی میٹا  مبینہ طور پر اپنے ہزاروں ملازمین کو نوکری سے فارغ کرنے کی تیاری کر رہی ہے۔

خبر رساں ادارےرائٹرز  کی رپورٹ کے مطابق کمپنی اپنے کل ملازمین کے تقریباً 20 فیصد کو فارغ کرنے کا منصوبہ بنا رہی ہے، جو لگ بھگ 16 ہزار افراد کے برابر بنتا ہے۔

اگر یہ رپورٹ درست ثابت ہوتی ہے تو یہ 2022 کے بعد کمپنی کی سب سے بڑی برطرفی ہوگی۔ 2022 میں میٹا نے تقریباً 11 ہزار ملازمین کو فارغ کیا تھا جبکہ 2023 میں بھی کمپنی نے مزید 10 ہزار ملازمین کی برطرفی کی تھی۔

دو سینئر ملازمین نے  بزنس انسائیڈر کو بتایا کہ برطرفیوں کا عمل آئندہ ایک ماہ کے اندر شروع ہونے کا امکان ہے۔