صارفین کے لیے خوشخبری: فیس بک، انسٹاگرام، واٹس ایپ اور میٹا اے آئی کی سبسکرپشن ایک جگہ

ٹیکنالوجی کی عالمی کمپنی میٹا (Meta) نے اپنے صارفین کے لیے ایک جدید اور جامع سبسکرپشن سروس ’میٹا ون‘ (Meta One) باضابطہ طور پر متعارف کرانے کا اعلان کر دیا ہے। اس نئی سروس کے تحت فیس بک، انسٹاگرام، واٹس ایپ اور ‘میٹا اے آئی’ کی الگ الگ سبسکرپشنز کو ایک ہی مرکزی بنڈل میں یکجا کر دیا گیا ہے۔ کمپنی کے مطابق اس سروس کا بنیادی مقصد اپنے ڈیڑھ کروڑ سے زائد موجودہ سبسکرائبرز اور کریئیٹرز کو تمام سوشل میڈیا پلیٹ فارمز پر 50 سے زائد جدید ترین ایڈوانسڈ اے آئی فیچرز اور پیشہ ورانہ ٹولز تک براہِ راست رسائی فراہم کرنا ہے۔

میٹا ون کی پیشکش کو بنیادی طور پر ‘کور’ (Core) اور ‘پریمیم’ (Premium) پلانز میں تقسیم کیا گیا ہے، جن کے ذریعے صارفین اے آئی کی مدد سے ہائی ڈیفینیشن تصاویر اور ویڈیوز بنانے اور ان میں ترامیم کرنے کے اعلیٰ ترین اپشنز استعمال کر سکیں گے۔ میٹا نے واضح کیا ہے کہ اس سبسکرپشن کے باوجود تمام ایپس کے بنیادی فیچرز اور عام ‘میٹا اے آئی’ سروسز بلاتعطل مفت دستاب رہیں گی۔ قیمتوں کے لحاظ سے انفرادی ایپس جیسے ‘فیس بک پلس’ کی ماہانہ سبسکرپشن 299 روپے (یا علاقے کے لحاظ سے معادل قیمت) سے شروع ہوتی ہے، جبکہ کریئیٹرز اور اے آئی پاور یوزرز کے لیے تمام سروسز پر مشتمل مشترکہ بنڈل کی شروعاتی فیس 1,750 روپے ماہانہ مقرر کی گئی ہے۔