فہد ہارون اور سعودی سفیر کی ملاقات، ڈیجیٹل میڈیا تعاون پر تبادلۂ خیال

وزیرِ مملکت اور وزیرِ اعظم کے معاونِ خصوصی برائے ڈیجیٹل میڈیا فہد ہارون نے آج پاکستان میں تعینات مملکتِ سعودی عرب کے سفیر عزت مآب نواف بن سعید المالکی سے ملاقات کی۔

ملاقات کے دوران دونوں فریقین نے پاکستان اور سعودی عرب کے درمیان دیرینہ، برادرانہ اور دوستانہ تعلقات کو مزید مضبوط بنانے کے عزم کا اعادہ کیا۔ اس موقع پر باہمی دلچسپی کے امور پر تفصیلی تبادلۂ خیال کیا گیا، جن میں ڈیجیٹل میڈیا کے شعبے میں پیش رفت اور بدلتے ہوئے عالمی میڈیا رجحانات شامل تھے۔

فریقین نے ڈیجیٹل میڈیا اور ابلاغ کے شعبے میں رابطوں کو فروغ دینے اور باہمی تعاون جاری رکھنے پر اتفاق کیا۔