دھرو راٹھی اور پاکستانی ڈیجیٹل ایکسپرٹ کی ملاقات، ’آپریشن سندور‘ پر بحث تازہ

پاکستانی ڈیجیٹل مارکیٹر ثوبان طارق نے بھارت کے معروف یوٹیوبر دھرو راٹھی سے ملاقات کی، جس کی ویڈیو انسٹاگرام پر وائرل ہو گئی۔ ویڈیو میں ثوبان طارق نے دھرو راٹھی سے ’آپریشن سندور‘ کے بعد بنائی گئی ایک ویڈیو کے حوالے سے سوال کیا، جس میں زیادہ تر انڈین میڈیا کی رپورٹس شامل تھیں۔

دھرو راٹھی نے مسکراتے ہوئے کہا کہ ان کے نزدیک اخبارات میں شائع ہونے والی ہر خبر کو یکسر غلط نہیں قرار دیا جا سکتا، تاہم اس جواب پر سوشل میڈیا صارفین کی آراء منقسم رہیں۔

ثوبان طارق نے بعد میں ایک اور ویڈیو میں وضاحت دی کہ سوال پاکستانی عوام کی نمائندگی میں کیا گیا، مگر جواب توقعات کے مطابق نہیں تھا۔ انہوں نے کہا کہ اختلاف کے باوجود شائستگی برقرار رکھنا ضروری ہے، چاہے سامنے والا مخالف ملک سے تعلق رکھتا ہو۔