LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مریم نواز کا بابا گرو نانک کے جنم دن کی تقریبات میں شرکت کرنیوالے سکھ یاتریوں کا خیرمقدم خیبرپختونخوا کیلئے 160 ارب روپے کا ترقیاتی پیکج، صوبے کو 10 ارب روپے جاری موسمیاتی تبدیلی ہماری تہذیب اور تاریخی ورثے کیلئے بڑا خطرہ بن چکی: مصدق ملک میرعلی سے دہشت گردوں کا چھپایا گیا اسلحہ اور بارودی مواد کا بڑا ذخیرہ برآمد مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس

جذبات کی سچائی ہی اصل اداکاری ہے، ماورا حسین کا انکشاف

Web Desk

8 April 2026

پاکستان کی نامور اداکارہ ماورا حسین نے جذباتی مناظر میں اپنی متاثر کن پرفارمنس اور سکرین پر رونے کے فن پر گفتگو کرتے ہوئے کہا ہے کہ اداکاری میں خلوص اور حقیقی جذبات ہی وہ بنیادی عناصر ہیں جو ناظرین کے دلوں تک پہنچتے ہیں۔ ایک نجی ٹی وی پروگرام میں اپنی بہن عروہ حسین کے ہمراہ شرکت کے دوران ماورا نے انکشاف کیا کہ وہ کسی خاص تربیت کے تحت نہیں بلکہ ہدایت کار کی ہدایات پر مکمل ایمانداری سے عمل کرتے ہوئے دل سے اداکاری کرنے کی کوشش کرتی ہیں۔ انہوں نے بتایا کہ ہر جذباتی منظر سے پہلے وہ دعا کرتی ہیں، اور شاید یہی وہ ‘جادو’ ہے جو ان کی کارکردگی کو دوسروں سے ممتاز بناتا ہے۔

پروگرام کے دوران عروہ حسین نے ماورا کی تعریف کرتے ہوئے کہا کہ ماورا جذبات کو اتنی شدت سے محسوس کرتی ہیں کہ دیکھنے والے خود بخود ان کے کردار سے جڑ جاتے ہیں۔ انہوں نے بچپن کی ایک دلچسپ یاد شیئر کرتے ہوئے بتایا کہ ماورا بچپن میں بھی جب روتی تھیں تو گھر والے فوراً مان جاتے تھے کیونکہ ان کا انداز بہت معصوم ہوتا تھا۔ پروگرام کی میزبان نے ماورا کی آواز میں موجود خاص کپکپاہٹ کو بھی سراہا، جس پر اداکارہ کا کہنا تھا کہ یہ سب فطری ہے اور وہ صرف اس اثر کو برقرار رکھنے کے لیے دعا کرتی ہیں۔ عروہ حسین نے مزید بتایا کہ وہ آج بھی اداکاری کے دوران رہنمائی کے لیے سب سے پہلے ماورا اور پھر اپنے شوہر فرحان سعید سے مشورہ کرتی ہیں۔