عمر، خوبصورتی اور کاسمیٹک سرجری؛ متھیرا نے پہلی بار کھل کر سب کچھ بتا دیا

پاکستانی ٹی وی میزبان اور اداکارہ متھیرا نے اپنی عمر اور کاسمیٹک سرجریز سے متعلق پہلی بار کھل کر گفتگو کرتے ہوئے کہا ہے کہ وہ اپنی شخصیت اور زندگی کے ہر مرحلے پر پرُاعتماد ہیں۔ حال ہی میں ایک پوڈکاسٹ میں گفتگو کرتے ہوئے 34 سالہ متھیرا نے بتایا کہ انسان ہمیشہ جوان نہیں رہ سکتا، اس لیے وہ اپنی عمر چھپانے میں یقین نہیں رکھتیں۔ انہوں نے انکشاف کیا کہ ایک حادثے کے باعث ناک متاثر ہونے پر انہوں نے ترکی میں سرجری کروائی تھی، جبکہ وہ وقتاً فوقتاً بوٹوکس، فلرز اور تقریباً 15 سال قبل لیپوسکشن بھی کروا چکی ہیں۔ عالمی شہرت یافتہ گلوکارہ شکیرا کی مثال دیتے ہوئے متھیرا کا کہنا تھا کہ ہمارے معاشرے نے خواتین کے بوڑھے ہونے کو غیر ضروری طور پر منفی تصور بنا دیا ہے، حالانکہ یہ ایک فطری عمل ہے جسے شرمندگی کے بجائے اعتماد کے ساتھ قبول کیا جانا چاہیے۔