مسجد قبا کے اندر خودکار ٹیکسی ’روبوبس‘ متعارف

مدینہ منورہ میں واقع اسلام کی پہلی مسجد، مسجدِ قبا کے اندرونی صحن میں زائرین اور نمازیوں کی سہولت کے لیے جدید ترین خودکار ٹیکسی ‘روبوبس’ (Robobus) متعارف کرا دی گئی ہے۔ یہ اقدام سعودی عرب کے وژن 2030 کے تحت مقدس مقامات پر جدید ٹیکنالوجی کے استعمال کو فروغ دینے کے سلسلے کی ایک کڑی ہے۔مصنوعی ذہانت کا استعمال: یہ خودکار ٹیکسی مکمل طور پر مصنوعی ذہانت (AI) کے نظام پر مبنی ہے، جس میں راستوں کی شناخت اور حفاظت کے لیے جدید سینسرز اور ہائی ریزولوشن کیمرے نصب کیے گئے ہیں۔ زائرین اور نمازی مسجد کے اندرونی صحن میں 700 میٹر تک کے فاصلے کے لیے اس سروس سے فائدہ اٹھا سکیں گے۔ ذرائع کے مطابق، روبوبس کا یہ تجرباتی مرحلہ 60 دن تک جاری رہے گا، جس کے دوران اس کی کارکردگی اور زائرین کے رش کو سنبھالنے کی صلاحیت کا جائزہ لیا جائے گا۔اس سروس کا بنیادی مقصد خاص طور پر بزرگ اور معذور زائرین کو مسجد کے وسیع صحن میں آمد و رفت کے دوران آرام دہ اور محفوظ سفر فراہم کرنا ہے۔