ایسے مرد پسند نہیں جو دوسری شادی کریں، مشال خان

پاکستان شوبز انڈسٹری کی معروف اداکارہ مشال خان نے ایک پوڈ کاسٹ میں شرکت کے دوران شادی اور اپنے ہونے والے جیون ساتھی کے بارے میں کھل کر گفتگو کی ہے۔ ڈراموں میں منفی کرداروں سے شہرت حاصل کرنے والی اداکارہ نے بتایا کہ جب بھی ان کی شادی ہوگی، وہ اسے مکمل طور پر نجی (پرائیویٹ) رکھنا چاہتی ہیں اور خواہش مند ہیں کہ لوگ ان کی ذاتی زندگی سے دور رہیں۔ دوسری شادی کے حوالے سے اپنے واضح موقف کا اظہار کرتے ہوئے مشال خان نے کہا کہ وہ شوہر کو دوسری شادی کی اجازت نہیں دیں گی کیونکہ انہیں ایسے مرد بالکل پسند نہیں جو دوسری شادی کریں۔ انہوں نے کہا کہ وہ چاہتی ہیں کہ ان کا شوہر ان کی زندگی کا واحد مرد ہو اور وہ اپنے شوہر کی زندگی کی واحد عورت ہوں۔ تاہم انہوں نے یہ بھی واضح کیا کہ انہیں مرد کے ماضی یا طلاق یافتہ ہونے سے کوئی مسئلہ نہیں، مگر شادی کے وقت اس کا سنگل ہونا ضروری ہے۔