بہاولنگر: روٹھی بیوی کو منانے آیا شخص سسرالیوں کی فائرنگ سے جاں بحق

چک نمبر 284 ایچ آر کی اضافی بستی میں روٹھی ہوئی بیوی کو منانے آنے والے شخص کو اس کے سسرالیوں نے فائرنگ کر کے قتل کر دیا۔ ایف آئی آر کے متن کے مطابق مقتول نے ایک سال قبل پسند کی شادی کی تھی، جس کا رنج سسرالیوں کو تھا؛ بیوی کچھ عرصہ قبل میکے آئی تو شوہر اسے واپس لانے پہنچا جہاں سسرالیوں نے فائرنگ کر کے اسے موت کے گھاٹ اتار دیا۔ پولیس کے مطابق کرائم سین سے شواہد اکٹھے کر کے لاش کو پوسٹ مارٹم کے لیے ہسپتال منتقل کر دیا گیا ہے۔ واقعے کا مقدمہ مقتول کے بھائی کی مدعیت میں 3 ملزمان کے خلاف درج کر لیا گیا ہے جبکہ فرار ہونے والے ملزمان کی تلاش میں چھاپے مارے جا رہے ہیں۔