دماغی امراض سے متعلق آگاہی بڑھانے کی ضرورت ہے، ماہرہ خان

لندن: پاکستان فلم و ٹیلی ویژن انڈسٹری کی معروف اور ہرومند اداکارہ ماہرہ خان نے دماغی امراض اور ذہنی صحت سے متعلق عوامی آگاہی بڑھانے پر زور دیتے ہوئے کہا ہے کہ معاشرے میں اس موضوع پر بات کرتے ہوئے لوگ اب بھی شرم محسوس کرتے ہیں، جسے بدلنا ناگزیر ہے۔ لندن میں برٹش ایشین ٹرسٹ کی ایک باوقار تقریب کے موقع پر میڈیا سے گفتگو کرتے ہوئے انہوں نے واضح کیا کہ ذہنی امراض بھی جسمانی بیماریوں کی طرح عام ہیں اور انہیں اسی طرح سنجیدگی سے لیا جانا چاہیے۔ ماہرہ خان نے برطانیہ کے شاہ چارلس سوم کی فلاحی سرگرمیوں کو سراہتے ہوئے تقریب میں اپنی شرکت کو اہم قرار دیا۔ اس موقع پر انہوں نے معاشرے میں بڑھتے ہوئے ہراسانی اور تشدد کے واقعات کی بھی شدید مذمت کی اور کہا کہ ایسے جرائم کی روک تھام کے لیے عوامی مائنڈ سیٹ تبدیل کرنا اور ذمہ داروں کو عبرت کا نشان بنانا انتہائی ضروری ہے۔