مدیحہ امام نے ودیا بالن کو پاکستان لا کر ڈرامہ بنانے کی خواہش ظاہر کر دی

پاکستان کی معروف اداکارہ مدیحہ امام نے اپنی خواہش ظاہر کی ہے کہ اگر موقع ملا تو وہ بھارتی اداکارہ ودیا بالن کو پاکستان لاکر ڈرامہ میں کاسٹ کریں گی۔

اداکارہ مدیحہ امام نے کیریئر کا آغاز بطور وی جے کیا اور بعد میں ڈراموں میں مرکزی کردار ادا کیے۔ وہ بھارتی فلمساز موجی بسر سے شادی شدہ ہیں۔ایک حالیہ انٹرویو میں مدیحہ امام نے کہا کہ ودیا بالن پاکستان آئیں تو ٹی وی انڈسٹری کے لیے یہ ایک بہترین اضافہ ہو گا اور وہ ٹی وی کی بھی شاندار اداکارہ ثابت ہوں گی۔بھارت میں کام کے حوالے سے انہوں نے کہا کہ اداکاروں کو عالمی سطح پر کام کے مواقع حاصل ہونے چاہئیں، لیکن حساس معاملات میں سوچ سمجھ کر قدم اٹھانا چاہیے۔