ایمانوئل میکرون نے انیل کپور کو اپنا پسندیدہ بالی ووڈ اسٹار قرار دیا

فرانسیسی صدر ایمانوئل میکرون نے بھارتی بالی ووڈ کے معروف اداکار انیل کپور کو اپنا پسندیدہ اداکار قرار دیا ہے۔ بھارت میں ایک سوال و جواب کے دوران صدر سے پوچھا گیا کہ وہ اپنا پسندیدہ بالی ووڈ اداکار کون سمجھتے ہیں، جس پر انہوں نے فوراً جواب دیا: “انیل کپور”۔ صدر نے اداکار کی عالمی شہرت اور مشہور جملے کا بھی ذکر کیا۔

صدر میکرون اپنی اہلیہ کے ہمراہ بھارت کے مختلف ثقافتی اور سفارتی پروگراموں میں شریک تھے۔ انہوں نے سوشل میڈیا پر بھارتی فلم انڈسٹری کی نمایاں شخصیات کے ساتھ تصاویر شیئر کیں اور فرانسیسی زبان میں لکھا: “بھارتی فلم کے دیواؤں کے ساتھ، ثقافت ہمیں متحد کرتی ہے۔”

تصاویر میں ایمانوئل میکرون اور ان کی اہلیہ انیل کپور کے ساتھ منوج باجپئی، زویا اختر، رچا چڈھا، شبانہ اعظمی اور موسیقار رکی کیج کے ساتھ نظر آئے۔ اداکار انیل کپور نے بھی ملاقات کے خصوصی لمحات اپنے سوشل میڈیا پروفائل پر شیئر کیے۔