ڈرامہ انڈسٹری پر چار دہائیوں تک راج کرنے والے اداکار عابد علی کی آج کی 7 ویں برسی

پاکستان کی ڈرامہ انڈسٹری پر چار دہائیوں تک راج کرنے والے اور ہر کردار میں اپنی لازوال اداکاری سے روح پھونک دینے والے عظیم اداکار عابد علی کی آج ساتویں برسی منائی جا رہی ہے۔ 17 مارچ 1952ء کو کوئٹہ میں آنکھ کھولنے والے عابد علی نے اپنے شاندار فنکارانہ سفر کا آغاز ریڈیو پاکستان سے کیا اور جلد ہی پاکستان ٹیلی ویژن (PTV) کے سنہرے دور کے ایک درخشندہ اور عظیم ترین ستارے کے طور پر ابھر کر سامنے آئے۔ ان کی رعب دار آواز، باوقار شخصیت اور ڈائیلاگ ڈیلیوری کے سحر نے کئی نسلوں تک شائقینِ ڈرامہ کو اپنے سحر میں جکڑے رکھا۔