لامین یامال اور انیس گارسیا کا پیرس میں رومانس؛ سوشل میڈیا پر دھوم مچاتی نئی تصاویر دیکھیں

میڈرڈ: اسپین کے 19 سالہ مایہ ناز نوجوان فٹبالر لامین یامال (Lamine Yamal) ایک بار پھر اپنی گرل فرینڈ انیس گارسیا (Anes Garcia) کے ساتھ پیرس سے سامنے آنے والی نئی اور غیر شائع شدہ تصاویر کی وجہ سے میڈیا اور مداحوں کی توجہ کا مرکز بن گئے ہیں۔

ہسپانوی فٹبال اسٹار نے اپنے انسٹاگرام اکاؤنٹ پر انیس گارسیا کے ساتھ پیرس کے سفر کی رومانوی تصاویر شیئر کیں۔ یہ تصاویر ایک ایسے موقع پر سامنے آئی ہیں جب یامال کو 2025-26 لا لیگا سیزن کا بہترین کھلاڑی (Player of the Season) قرار دیا گیا۔ اس سے قبل یہ جوڑی میڈرڈ میں منعقدہ ’اے ایف ای ایوارڈز‘ (AFE Awards) کی ریڈ کارپٹ تقریب میں ایک جیسے سفید ملبوسات میں ایک ساتھ شرکت کر کے میڈیا کی خوب توجہ حاصل کر چکی ہے۔

واضح رہے کہ لامین یامال اور انیس گارسیا نے 2026 ورلڈ کپ کے دوران اپنے رشتے کا باضابطہ اور عوامی سطح پر اعلان کیا تھا، جس کے بعد سے یہ جوڑا مسلسل خبروں میں ان رہتا ہے۔ مختلف تنازعات اور سوشل میڈیا افواہوں کے باوجود، دونوں کو عوامی تقریبات اور اہم میچز کے دوران ایک دوسرے کی مکمل حمایت کرتے دیکھا جا رہا ہے۔