لائبہ خان کے برائیڈل شاور کی تصاویر سوشل میڈیا پر وائرل

پاکستانی شوبز انڈسٹری کی معروف اداکارہ لائبہ خان ایک بار پھر خبروں کی زینت بن گئیں، جب ان کے برائیڈل شاور کی تصاویر سوشل میڈیا پر وائرل ہو گئیں۔ مداحوں کی جانب سے اداکارہ کے انداز اور لک کو خوب سراہا جا رہا ہے۔

چند روز قبل مدینہ منورہ میں نکاح کرنے والی لائبہ خان کی شادی کی تقریبات باقاعدہ طور پر دعائے خیر کے بعد شروع ہوئیں۔ نکاح اور دعائے خیر کے بعد ڈھولکی کی تقریب منعقد ہوئی، جس کی تصاویر پہلے ہی سوشل میڈیا پر خاصی توجہ حاصل کر چکی تھیں۔

اب اداکارہ کے برائیڈل شاور کی جھلکیاں بھی مداحوں کی توجہ کا مرکز بنی ہوئی ہیں۔ یہ تقریب لائبہ خان نے اپنی بہن اور قریبی دوستوں کے ہمراہ منائی، جس کی تصاویر انہوں نے اپنے سوشل میڈیا اکاؤنٹس پر شیئر کیں۔

برائیڈل شاور کے لیے لائبہ خان نے بلیک فلور لینتھ میکسی کا انتخاب کیا، جس کے نیٹ ٹاپ پر نفیس چمکدار سیکوئنز اور باریک موتیوں کا کام نمایاں تھا۔ انہوں نے اپنے لُک کو سلور ٹیاڑا، ہلکی جیولری، نیوڈ میک اپ اور کھلے بالوں کے ساتھ مکمل کیا۔ اس موقع پر ان کی بہن ایمان خان بھی بلیک لباس میں ہم رنگ نظر آئیں۔

واضح رہے کہ لائبہ خان پاکستان کی مقبول ٹی وی اداکارہ ہیں اور انسٹاگرام پر ان کے فالوورز کی تعداد 37 لاکھ سے زائد ہے۔ ان کے نمایاں ڈراموں میں کفارہ، آفت، آس پاس، ہمراہ اور بیلگام شامل ہیں۔