لاہور ڈیفنس میں گلوکارہ رابی پیرزادہ کو حراساں کرنے پر ملزم گرفتار

لاہور کے علاقے ڈیفنس میں گلوکارہ رابی پیرزادہ کو حراساں کرنے کے واقعے کے بعد پولیس نے مقدمہ درج کر کے ملزم کو گرفتار کر لیا ہے۔

ڈیفنس سی پولیس کے مطابق گزشتہ روز رابی پیرزادہ اور ان کے ڈرائیور کو فیز 7 میں ایک کار سوار نے حراساں اور تشدد کا نشانہ بنایا۔ جب گلوکارہ اور ان کے ڈرائیور نے مزاحمت کی تو ملزم نے ڈرائیور کو بھی تشدد کا نشانہ بنایا۔

ایف آئی آر درج کر کے پولیس نے تحقیقات کا آغاز کیا ہے اور ملزم سے مزید پوچھ گچھ جاری ہے۔ پولیس نے کہا ہے کہ قانون کے مطابق کارروائی کی جا رہی ہے اور ملزم کو جلد عدالت میں پیش کیا جائے گا۔