رجب بٹ اور ندیم مبارک کی عبوری ضمانت میں 16 فروری تک توسیع

سیشن کورٹ لاہور میں جوئے ایپ کی پروموشن کے مقدمے میں ٹک ٹاکرز رجب بٹ اور ندیم مبارک کی عبوری ضمانت کی درخواستوں پر سماعت ہوئی۔
ایڈیشنل سیشن جج منصور احمد قریشی نے کیس کی سماعت کے دوران دونوں ملزمان کی عبوری ضمانت میں 16 فروری تک توسیع کر دی۔
عدالت میں نیشنل سائبر کرائم انویسٹی گیشن ایجنسی (این سی سی آئی اے) کی جانب سے مقدمے کا ریکارڈ پیش کیا گیا، جبکہ تفتیشی افسر نے آگاہ کیا کہ تفتیش تاحال مکمل نہیں ہو سکی اور مزید وقت درکار ہے۔
سماعت کے موقع پر رجب بٹ اور ندیم مبارک عدالت میں پیش ہوئے اور اپنی حاضری مکمل کروائی۔