ٹک ٹاکر ماہ نور کے قاتل شوہر کو سزائے موت سنادی گئی

لاہور کی سیشن کورٹ نے معروف ٹک ٹاکر ماہ نور کے قتل کے مقدمے میں جرم ثابت ہونے پر ان کے شوہر محمد رمضان کو سزائے موت سنا دی ہے۔ ایڈیشنل سیشن جج چوہدری شاہد حمید نے فیصلے میں ملزم کو سزائے موت کے ساتھ ساتھ 5 لاکھ روپے جرمانے کی سزا کا بھی حکم دیا ہے۔ عدالت نے قرار دیا کہ ملزم کے خلاف تمام تر شواہد اور 21 گواہان کے بیانات سے جرم مکمل طور پر ثابت ہو چکا ہے۔ پراسیکیوشن کے مطابق ملزم نے اپنی بیوی کو ٹک ٹاک بنانے سے روکنے پر تکرار کے بعد گلا دبا کر قتل کیا تھا۔