لیڈی گاگا اور منگیتر مائیکل پولانسکی کے ہاں پہلے بچے کی پیدائش

لاس اینجلس: ہالی ووڈ کی عالمی شہرت یافتہ گلوکارہ و آسکر ایوارڈ یافتہ اداکارہ لیڈی گاگا اور ان کے منگیتر، معروف بزنس مین مائیکل پولانسکی کے ہاں پہلے بچے کی پیدائش ہو گئی ہے۔لیڈی گاگا نے اپریل 2024 میں مائیکل پولانسکی سے منگنی کی تھی۔ وہ اس سے قبل بھی متعدد بار عوامی سطح پر ماں بننے کی خواہش اور ایک الگ انداز میں فیملی شروع کرنے کی اہمیت کا اظہار کر چکی تھیں۔ سال 2025 میں ایک معروف ٹی وی پروگرام کے دوران بات کرتے ہوئے گلوکارہ نے کہا تھا کہ وہ مستقبل میں ماں بننے اور بچے کی پرورش کرنے کو اپنی زندگی کا “اگلا بڑا اور اہم ترین کردار” سمجھتی ہیں۔ مائیکل پولانسکی اور لیڈی گاگا نہ صرف اپنی ذاتی زندگی میں ایک دوسرے کا ساتھ نبھا رہے ہیں بلکہ پیشہ ورانہ امور میں بھی ایک ساتھ کام کر چکے ہیں۔ پولانسکی نے لیڈی گاگا کے سال 2025 کے البم ’میہم‘ (Mayhem) کے لیے بطور رائٹر اور کری ایٹو پارٹنر کام کیا تھا۔ دونوں کی جانب سے فی الحال بچے کی جنس اور تاریخِ پیدائش سے متعلق مزید تفصیلات شیئر نہیں کی گئی ہیں۔