جاپان: شمسی توانائی ٹیکنالوجی کی میں بڑی پیشرفت!

ٹوکیو: جاپان کی کیوشو یونیورسٹی کے محققین نے سولر ٹیکنالوجی کی دنیا میں ایک نئی تاریخ رقم کر دی ہے۔ اب تک روایتی سولر سیلز سورج کی روشنی کے صرف ایک تہائی حصے سے بجلی بنا پاتے تھے، کیونکہ زیادہ توانائی والے فوٹونز (روشنی کے ذرات) بجلی پیدا کرنے کے بجائے تپش کی صورت میں ضائع ہو جاتے تھے۔

تاہم، جاپانی ماہرین کی ٹیم نے ایک خاص قسم کا ‘اسپن-فلپ’ ایمِیٹر تیار کیا ہے جو اس ضائع ہونے والی حرارت کو بھی کارآمد توانائی میں تبدیل کر دیتا ہے۔ اس مٹیریل کی بدولت سولر سیلز اب ماضی کے مقابلے میں کہیں زیادہ شدت سے توانائی جذب کر سکتے ہیں، جس سے پیداواری شرح میں 130 فیصد تک کا بڑا اضافہ ریکارڈ کیا گیا ہے۔ یہ دریافت شمسی توانائی کو سستا اور زیادہ موثر بنانے کی راہ میں ایک سنگ میل ثابت ہوگی۔