کائلی جینر نے مزید کاسمیٹک سرجری کی خواہش ظاہر کر دی

لاس اینجلس: امریکی ماڈل، بزنس وومن اور رئیلٹی ٹی وی اسٹار کائلی جینر نے اپنی کاسمیٹک سرجریز اور پلاسٹک سرجری کی تاریخ کے حوالے سے کھل کر بات کرتے ہوئے انکشاف کیا ہے کہ وہ مستقبل میں اپنے بریسٹ امپلانٹس کا سائز مزید بڑھوانے کا ارادہ رکھتی ہیں۔

کائلی جینر نے حال ہی میں مشہور پوڈکاسٹ ‘بیٹر ہاف ود اسٹیس اینڈ وک’ (Better Half with Stas & Vic) میں بطور مہمان شرکت کی، جہاں انہوں نے اپنی خوبصورتی کو نکھارنے کے لیے کروائے گئے مختلف طبی پروسیجرز اور بریسٹ آگمینٹیشن (Breast Augmentation) کے تجربات پر تفصیل سے گفتگو کی۔

گفتگو کے دوران کائلی نے بتایا کہ گزشتہ برس جب ایک مداح نے سوشل میڈیا پر ان کی شکل و صورت اور جسمانی بناوٹ کے بارے میں سوال کیا تھا، تو انہوں نے بغیر کسی ہچکچاہٹ کے اپنے پلاسٹک سرجن کا نام اور سرجری کی تفصیلات شیئر کر دی تھیں۔ رئیلٹی اسٹار کے مطابق انہیں اس بات کا بالکل اندازہ نہیں تھا کہ ان کے اس اعتراف کو میڈیا اور سوشل میڈیا پر اتنی زیادہ توجہ مل جائے گی۔

29 سالہ بیوٹی ٹائیکون نے مزید کہا کہ اگرچہ وہ فی الوقت اپنے موجودہ امپلانٹس کی لک سے مطمئن ہیں، لیکن وہ مستقبل میں انہیں مزید بڑا، نمایاں اور پُرکشش بنوانا چاہتی ہیں۔