بھارتی کرکٹ پریزنٹر نے نامور اداکارہ سے شادی کرلی، تصاویر وائرل
Web Desk
12 March 2026
بھارت کے کرکٹر پریزنٹر اور اداکار گورو کپور اور معروف اداکارہ کرتیکا کامرا شادی کے بندھن میں بندھ گئے، تقریب میں شوبز اور کرکٹ سے وابستہ کئی معروف شخصیات نے شرکت کی۔
بھارتی میڈیا رپورٹس کے مطابق کرتیکا کامرا اور گورو کپور نے بدھ کے روز ممبئی کے علاقے باندرا میں واقع اپنے گھر پر ایک سادہ تقریب میں نکاح کیا جس میں اہل خانہ اور قریبی دوست شریک ہوئے۔ روایتی بڑی تقریب کے بجائے دونوں نے گھر پر ہی رجسٹرار کے ذریعے شادی کرنے کا فیصلہ کیا۔
شادی کے موقع پر کرتیکا کامرا نے سرخ رنگ کی چندیری ساڑھی پہنی جو انہیں ان کی والدہ نے اپنے برانڈ سے تحفے میں دی تھی، جبکہ گورو کپور نے آئیوری اور سنہری رنگ کا روایتی ڈیزائنر لباس زیب تن کیا۔
تقریب کے دوران نوبیاہتا جوڑے نے تصاویر بنوائیں اور خوشی کے اظہار کے طور پر مہمانوں میں مٹھائیاں بھی تقسیم کیں، جبکہ شادی کی تصاویر سوشل میڈیا پر تیزی سے وائرل ہو گئیں۔
تقریب میں فرحان اختر، سوہا علی خان، ملائیکا اروڑا اور ریہا چکرورتی سمیت متعدد شوبز شخصیات شریک ہوئیں جبکہ کرکٹر وریندر سہواگ، اشیش نہرا، یووراج سنگھ اور ظہیر خان نے بھی اپنی اہلیہ کے ہمراہ شرکت کی۔
شادی کی تقریبات کے دوران جوڑے نے پُرجوش انداز میں تقریب میں داخلہ لیا جو بعد میں ایک دلچسپ ڈانس پرفارمنس میں بدل گیا۔ اداکار و ہدایتکار فرحان اختر بھی اس ڈانس میں شریک ہوئے جبکہ اشیش نہرا کو اپنے کمسن بیٹے کے ساتھ رقص کرتے دیکھا گیا، جس کی ویڈیو سوشل میڈیا پر تیزی سے مقبول ہو رہی ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026