اداکارہ کومل عزیز کے وزن میں اضافے پر سوشل میڈیا پر تبصرے

پاکستانی شوبز انڈسٹری کو خیرباد کہہ کر اپنے لباس کے برانڈ پر توجہ مرکوز کرنے والی سابقہ اداکارہ کومل عزیز خان کے وزن میں اضافے پر سوشل میڈیا صارفین کی جانب سے تبصروں کا سلسلہ شروع ہو گیا ہے۔ ڈرامہ سیریل ’بھروسہ پیار تیرا‘ اور ’رازِ الفت‘ جیسی کامیاب پروڈکشنز سے شہرت پانے والی کومل عزیز نے حال ہی میں اپنے برانڈ کے نئے کلیکشن کے سلسلے میں ایک فوٹو شوٹ کروایا ہے۔ اس برانڈ شوٹ کی تصاویر اور ویڈیوز سامنے آنے کے بعد مداحوں اور سوشل میڈیا صارفین کی جانب سے ان کی ظاہری تبدیلی پر ملا جلا ردعمل دیکھنے میں آیا ہے، جہاں بعض افراد نے وزن میں اضافے پر حیرت کا اظہار کیا تو کچھ نے اس بات کو ذاتی زندگی کا حصہ قرار دیا۔