پنجاب میں پتنگ بازی آرڈیننس 2025 پنجاب اسمبلی میں پیش

پنجاب اسمبلی میں پتنگ بازی آرڈیننس 2025 پیش کر دیا گیا ہے جس کی منظوری گورنر پنجاب پہلے ہی دے چکے ہیں۔آرڈیننس کے مطابق ڈپٹی کمشنر حکومت سے اجازت لے کر اپنے ضلع میں پتنگ بازی کی اجازت دیں گے۔پتنگ سازی اور فروخت کے لیے رجسٹریشن کروانا لازمی ہوگا، جس کی ذمہ داری ڈپٹی کمشنر ہوگی۔بغیر رجسٹریشن پتنگ یا ڈور بنانے یا بیچنے پر 5 سال تک قید اور 5 لاکھ روپے تک جرمانہ ہوگا۔ پتنگ باز تنظیموں کے لیے بھی رجسٹریشن لازمی ہوگی۔دھاتی ڈور، تندی اور تیزمانجے والی ڈور پر مکمل پابندی ہوگی، اور اس کے بناتے یا بیچتے پکڑے جانے پر 5 سال تک قید اور 20 لاکھ روپے تک جرمانہ عائد ہوگا۔سب انسپکٹر رینک کے پولیس افسر ممنوع مواد کی اطلاع پر بغیر وارنٹ گرفتاری کر سکیں گے، اور تلاشی کی بھی اجازت ہوگی۔پتنگ بازی کی اجازت والے اضلاع میں بغیر حفاظتی اقدامات کے موٹر سائیکل چلانے پر پابندی ہوگی۔اس آرڈیننس کے ساتھ 2001 کا پتنگ بازی پابندی آرڈیننس منسوخ کر دیا گیا ہے۔آرڈیننس کو دو ماہ کے لیے متعلقہ کمیٹی کے سپرد کیا گیا ہے، اور اسمبلی کی منظوری کے بعد یہ باقاعدہ قانون کی شکل اختیار کر لے گا