کرن خان اور اشتیاق بیگ کی شادی کے بعد پہلی فیملی ڈنر کی تصاویر وائرل

معروف میزبان و اداکارہ کرن خان اور بزنس مین مرزا اشتیاق بیگ نے سعودی عرب میں نکاح کے بعد پاکستان واپسی پر اپنے اہلِ خانہ اور دوست احباب کے ساتھ پہلی ڈنر تقریب میں شرکت کی ہے، جس کی تصاویر سوشل میڈیا پر وائرل ہو گئی ہیں۔ دونوں شخصیات نے حال ہی میں سعودی عرب میں ایک باوقار تقریب کے دوران نکاح کیا تھا، جس کے بعد انہوں نے عمرے کی سعادت بھی حاصل کی۔ نکاح کی تصاویر منظرِ عام پر آنے کے بعد یہ نئی جوڑی مداحوں کی جانب سے سوشل میڈیا پر خاصی زیرِ بحث رہی اور مبارکباد کے پیغامات کا سلسلہ دیکھنے میں آیا۔

پاکستان آمد کے بعد مرزا اشتیاق بیگ کی رہائش گاہ پر اس نویکلی جوڑی کے اعزاز میں پہلے فیملی ڈنر کا اہتمام کیا گیا۔ اس خاص ڈنر تقریب میں دونوں خاندانوں کے قریبی افراد نے شرکت کی اور نئے جوڑے کو مبارکباد پیش کی۔ اس موقع پر اداکارہ ایمن سلیم بھی تقریب میں موجود تھیں، جو رشتہ میں مرزا اشتیاق بیگ کی بھانجی ہیں۔ ڈنر کے دوران لی گئی دلکش تصاویر اور ویڈیوز کو سوشل میڈیا پر صارفین اور مداحوں کی جانب سے بے حد پسند کیا جا رہا ہے۔