کیارا اڈوانی نے بیٹی سرایاہ کی پہلی جھلک شیئر کردی

بالی ووڈ اداکارہ کیارا اڈوانی نے ماں بننے کے بعد اپنی زندگی کی ایک دلکش جھلک مداحوں کے ساتھ شیئر کی ہے، جس میں ان کی ننھی بیٹی سرایاہ ملہوترا بھی شامل ہیں۔

اداکارہ نے انسٹاگرام اسٹوری پر ایک مختصر ویڈیو شیئر کی، جس میں وہ ایک میگزین کے صفحات پلٹتی نظر آ رہی ہیں۔ میگزین کے سرورق پر کیارا اڈوانی کی اپنی تصویر موجود ہے، جبکہ ان کی بیٹی سرایاہ ان کے پاس بیٹھی دکھائی دیتی ہے۔

ویڈیو میں کیارا اپنی بیٹی سے محبت بھرے انداز میں کہتی ہیں،
“تم ماما کا میگزین پڑھنا چاہتی ہو؟ چلو دیکھتے ہیں ماما کہاں ہے۔”
جیسے ہی وہ صفحہ پلٹتی ہیں، ننھے ہاتھ اور بچے کی خوشگوار آواز لمحہ بھر کے لیے اسکرین پر سنائی دیتی ہے، جو مداحوں کے دل جیت لیتی ہے۔

کیارا اڈوانی نے اسٹوری کے ساتھ سادہ سا کیپشن لکھا:
“میں اور میری منی پیر کے دن میگزین پڑھنے سے لطف اندوز ہو رہے ہیں۔”

ایک حالیہ انٹرویو میں اداکارہ نے انکشاف کیا کہ انہوں نے حمل کے دوران بھی سات ماہ تک شوٹنگ جاری رکھی، جس کا علم صرف ہدایتکار اور پروڈیوسر کو تھا۔

واضح رہے کہ کیارا اڈوانی نے دورانِ حمل فلم ’وار 2‘ کی شوٹنگ کی، جس میں انہوں نے ہریتھک روشن اور جونیئر این ٹی آر کے ساتھ مرکزی کردار ادا کیا ہے۔