LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز سلامتی کونسل کالعدم بی ایل اے اور مجید بریگیڈ پر پابندیاں لگائے: چین اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ

خیبرپختونخوا میں نیا انٹیگریٹڈ ٹورازم زون: وزیر اعلیٰ سہیل آفریدی کی منظوری

Web Desk

3 February 2026

وزیر اعلیٰ خیبرپختونخوا محمد سہیل آفریدی کی زیرِ صدارت پبلک پرائیویٹ پارٹنرشپ کمیٹی کا نواں اجلاس منعقد ہوا، جس میں انٹیگریٹڈ ٹورازم زون پراجیکٹ تھنڈیانی کے کنسیشن ایگریمنٹ کی منظوری دے دی گئی۔ وزیر اعلیٰ نے متعلقہ نجی شراکت دار کے ساتھ معاہدے پر دستخط کر کے منصوبے کو آگے بڑھانے کی ہدایت کی۔

یہ ملک کا پہلا انٹیگریٹڈ ٹورازم زون ہے جو پبلک پرائیویٹ پارٹنرشپ کے تحت قائم کیا جا رہا ہے۔ منصوبے کا مقصد نجی سرمایہ کاری کے ذریعے صحت افزا مقام تھنڈیانی کو ماحول دوست سیاحت کا مرکز بنانا ہے۔

منصوبہ چار زونز اور تین پیکیجز پر مشتمل ہے اور ہر عمر کے سیاحوں کی ضروریات کو مدنظر رکھتے ہوئے تیار کیا گیا ہے۔ اس میں 14 ممکنہ سیاحتی منصوبے، تین نئے ہوٹلز یا کنڈوٹلز، اور 263 ہوٹل و ریزارٹ یونٹس شامل ہیں۔ دیگر سہولیات میں سروس اپارٹمنٹس، تفریحی مقامات، شاپنگ مالز، کمرشل کمپلیکس، تفریحی پارکس، فیملی سروس اپارٹمنٹس اور پارکنگ شامل ہوں گی۔

اجلاس میں بتایا گیا کہ منصوبے پر عمل درآمد سے کم از کم 23 ارب روپے سے زائد آمدن متوقع ہے، اور زیادہ کی کوئی حد نہیں۔ یہ صوبے میں چوتھا انٹیگریٹڈ ٹورازم زون ہے جو 400 کنال رقبے پر محیط ہوگا۔ اس کے علاوہ مانسہرہ میں 480 کنال پر گنول، سوات میں 754 کنال پر منکیال اور چترال میں 540 کنال پر مداکلشت ٹورازم زونز پر کام جاری ہے، جن کی مجموعی لاگت 12.3 ارب روپے ہے۔

وزیر اعلیٰ سہیل آفریدی نے کہا کہ صوبائی حکومت عمران خان کے وژن کے مطابق سیاحت کو معاشی استحکام کی بنیاد بنانے کے لیے کوشاں ہے۔ انٹیگریٹڈ ٹورازم زونز سیاحت کے شعبے کے فلیگ شپ منصوبے ہیں اور ان کی تکمیل ماحول دوست اصولوں کے مطابق ہونی چاہیے۔ خیبرپختونخوا میں سیاحت کی بھرپور استعداد موجود ہے اور کثیرالجہتی حکمتِ عملی کے تحت اقدامات جاری ہیں۔ وزیر اعلیٰ نے منصوبوں کی بروقت اور معیاری تکمیل کے لیے تمام ممکنہ اقدامات کرنے کی ہدایت کی۔