خاقان شاہنواز اور سبینہ سید شادی کے بندھن میں بندھ گئے، نکاح کی تصاویر وائرل

پاکستانی شوبز کے ابھرتے ہوئے اداکار خاقان شاہنواز اور اداکارہ سبینہ سید نے اپنے نکاح کی تصاویر اور ویڈیوز سوشل میڈیا پر شیئر کیں، جو مداحوں میں تیزی سے وائرل ہو رہی ہیں۔

خاقان شاہنواز نے انسٹاگرام پر نکاح کے فوٹو شوٹ کی تصاویر پوسٹ کیں اور مختصر مگر بامعنی کیپشن میں صرف ’بسم اللہ‘ تحریر کیا۔ تصاویر میں دونوں کو خوشی کے لمحات میں مسکراتے اور محبت بھری نظروں سے ایک دوسرے کی طرف دیکھتے ہوئے دیکھا جا سکتا ہے۔

نکاح کی تقریب میں سبینہ سید نے کریم رنگ کا خوبصورت، کڑھائی سے مزین عروسی لباس زیب تن کیا، جبکہ خاقان شاہنواز نے بھی اسی رنگت سے ہم آہنگ لباس منتخب کر کے جوڑے کی دلکشی میں اضافہ کیا۔ تقریب میں دونوں کے قریبی دوست اور اہلِ خانہ بھی شریک تھے، جنہوں نے اس یادگار لمحے کو کیمرے میں محفوظ کیا۔

شوبز سے تعلق رکھنے والے ساتھی فنکاروں، جن میں اداکارہ کنزا ہاشمی، صبور علی، اور حرا خان شامل ہیں، نے بھی جوڑے کو مبارکباد دی اور نیک خواہشات کا اظہار کیا۔ مداحوں کی جانب سے بھی محبت بھرے پیغامات اور دعاؤں کا سلسلہ جاری ہے۔