اپنے بچوں کو چائنیز پڑھائیں تا کہ وہ بڑے ہو کر چائنہ پڑھنے جا سکیں،خالد مقبول صدیقی
Web Desk
18 May 2026
وفاقی وزیر برائے وفاقی تعلیم و پیشہ ورانہ تربیت ڈاکٹر خالد مقبول صدیقی نے پاکستان اور چین کے درمیان تعلیمی روابط کو مزید وسعت دینے کی ضرورت پر زور دیتے ہوئے کہا ہے کہ اس وقت چین کے مختلف تعلیمی اداروں میں ریکارڈ 40 ہزار پاکستانی طالب علم اعلیٰ تعلیم حاصل کر رہے ہیں۔ انہوں نے والدین اور تعلیمی ماہرین پر زور دیا ہے کہ وہ اپنے بچوں کو چائنیز زبان پڑھائیں تاکہ مستقبل میں انہیں چین جا کر اعلیٰ تعلیم حاصل کرنے میں کوئی دشواری پیش نہ آئے۔
وفاقی وزیر خالد مقبول صدیقی نے بیجنگ کے تعلیمی ماڈل کی تعریف کرتے ہوئے کہا کہ چین اس وقت دنیا بھر میں تعلیم کے شعبے میں جو جدید ترین ٹیکنالوجی اور جدت (Innovation) رکھتا ہے، وہ کسی دوسرے ملک کے پاس نہیں ہے۔ انہوں نے ایک اہم پیش رفت کا ذکر کرتے ہوئے انکشاف کیا کہ چین کے کئی مایہ ناز تعلیمی ادارے اور جامعات اب پاکستان کے اندر اپنے باقاعدہ کیمپس قائم کرنے کی شدید خواہشمند ہیں، جس سے پاکستانی طلبہ کو ملک کے اندر ہی بین الاقوامی معیار کی تعلیم میسر آ سکے گی۔خالد مقبول صدیقی نے پاکستانی طلبہ کے تعلیمی رجحانات پر بات کرتے ہوئے بتایا کہ ماضی میں اور اس وقت بھی چین جانے والے پاکستانی طلبہ کی اکثریت زیادہ تر ڈاکٹری (MBBS) کی تعلیم حاصل کرنے جاتی ہے۔ تاہم، اب وقت بدل چکا ہے اور ہماری حکومت کی ترجیحات مختلف ہیں۔ انہوں نے کہاہم چاہتے ہیں کہ پاکستانی طالب علم ڈاکٹری کے روایتی شعبے کے ساتھ ساتھ اب زیادہ سے زیادہ آرٹیفیشل انٹیلیجنس (AI)، کلاؤڈ کمپیوٹنگ اور ڈیجیٹل ایجوکیشن (Digital Education) کی تعلیم حاصل کرنے کے لیے چین کا رخ کریں۔مستقبل کی عالمی معیشت کا دارومدار انہی جدید ترین ٹیکنالوجیز پر ہے اور چین ان شعبوں میں دنیا کی قیادت کر رہا ہے۔
وفاقی وزیر نے مزید کہا کہ چینی حکومت اور وہاں کی انتظامیہ مزید پاکستانی طلبہ کی میزبانی کے لیے انتہائی پرامید ہے اور وہ پاکستانی نوجوانوں کو اسکالرشپس اور دیگر تعلیمی سہولیات فراہم کرنے کے لیے پرعزم ہے۔ اس موقع پر انہوں نے دونوں ممالک کے درمیان تعلیمی وفود کے تبادلوں کو تیز کرنے کی ضرورت پر بھی زور دیا۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026